الحب مو كل شي في هالحياة !! واللي خلاني أقول هالكلام تجربيتي ,أنا بنت من عايلة معروفة ونسبها يرجع لرسول الله صلى الله عليه وسلم نتكون من ثمانية أفراد (أب وأم وخمس بنات وولد ) وأنا بكر أمي وبوي . المهم وانا صغيرة حظي مو حلو بالمرة قبل عيد ميلادي الأول توفت أمي بحادث سيارة ولما مر سنتين عالحادث كنا أنا وبوي لوحدنا رباني لوحدة بهاذي السنتين وعقبها تزوج من خالتي اللي أهيا حقيقة أخت أمي وتربيت معهم والحمدلله ربتني أحسن تربية لين الثنوية العامة كنت أشوف ربيعاتي كل وحدة ووياها بوي فرد وأنا ماكنت أهتم لين ما خلصت الثنوية العامة وعقبها أشتغلت وياريتني ما أشتغلت ولا شفته !! عقب كم شهر كانت المنطقة اللي فيها المدرسة فيها تصليحات وأعمال طرق وكان مهندس هذي المنطقة يزور مدرستنا لو عندنا أي مشاكل أو بلاوي عليهم ....... وبيوم من الأيام صارت قدامي مشادة كلامية بين المهندس هذا والمسؤل قلت أتدخل بينهم وأفض النزاع وبالفعل قدرت عقب شي شكرني وأعطاني رقمة في حال صار شي أو شكوى أو في حال أبي مساعدة منه وأخذت الرقم !! وبعد يومين كنت مضايقة جدا من الشغل وأتصلت فيه من موبايلي أسئلة إذا عندهم وظايف ولا لا !! وطبعا عرف رقي وبدا الإتصال يتكرر كنت أحب فيه واقعيته... حبه... دلعة لي... ضحكته... أغانية... أنا ما أقول أني ما حبيته أنا أموت فيه بس أسمعوا السالفة للآخر وأحكموا عليها !!!! في يوم من الأيام اللي كنت أكلمة فيها ما كان في أحد بالبيت إلا الوالد الله يحفظه وخالي طبعا أنا كنت أكلمه بالحوي وكان يتغزل حضرته وأنا أسمعه أحاول أوقفه عند حدة لكنه مايعطيني سالفة ويسكتني !!! المهم سمعني خالي وأنا أكلمه عقب لين دخلت البيت ناداني لغرفته وبدا التحقيق المر اللي عرف بنهايتة أنه بنت أخته ترمس واحد !!!! قلتله ووعدته أنه مابينا شي ولا نشوف بعض ولا طلعت معاه أبدا ولا قتله أحبك وهذا كله والله الشاهد صدق ..بس هو طبعا ما صدق وأخذ تليفوني وأنا بدت حالتي الصحية تسوء والوالدة مستغربة وأنا أقوللها من الشغل واتعذر فيه شهر كامل وأنا بهل حالة !!! عقب أتصلت فيه عشان أعرف شسوى فيه خالي وأقطع علاقتي فيه للأبد !! وأول ما لتصلت فيه طبعا أظهرلي اهتمام مبالغ فيه جدا !!! واعترفتله أني أحبه وقلتله ياها من دون شعور !!! وبدا يسب خالي ويغلط عليه وأنا قتله أني ما أرضى وكنت مضايقه منه ليش يقول هلرمسة !! وبديت أكلمه من خط ثاني وبدت ألاعيبه تنكشف كان يغازلني ويقولي أحيانا كلمات تخدش الحياء ومرة من المرات بدأ يلفظ بألفاظ مثل يا حقيرة يا سافلة ووصرخت عليه وسبيته بنفس هالألفاظ وتعرفون شو كانت إجابته !!!!! عادي أنا ولد شارع !!! إذا كان محترم ياناس بيقول هلألفاظ ؟؟؟ لا والله شاهد !!! المهم لجأت لربيعتي وكنت أفكر أنه أقطع علاقتي به هذي العلاقة اللي ما أظن أنها راح تستمر !! مع وعوده الدائمه لي أنه بييب أهله عشان نملك ولكن كله كذب بكذب وربيعتي الله يجزيها الجنة كانت وياي فهل الموضوع ولا خلتني لحظة لأنها مثل ما قالت أني بنت ناس وأخلاقي ومستواي أرفع عن كذا وبالفعل تغلبت على شيطاني ونزواتي وفكرت بأبوي والعايلة وخواتي اللي كنت أنا قدوتهم الصالحة وقررت أني بستمر وأكون قدوة مثل ما كنت وأحسن بعد !!! ولكن المهم في الموضوع أنه خالي ما نسى زلتي هاذي وكل يوم يتصل فيا وأنا بشغل وإذا مارديت يشك ويسأل وايد وين رحت ووين طلعت ويشييك على موبايلي كل فترة وفترة وهذا الشي معذبني ذاتيا والله إنه مدمرني لأني كل ما نسيت السالفة ذكرني فيها !!! ادعولي الله يثبتني على الدين ويغفر لي زلتي ويهديني إلى سبيله الذي إرتضاه لعباده الصالحين .... واللي في خاطرة يسألني أو يتهجم علي فمرحبا به !!!! ونسيت أخبركم ليش أخترت هالعنوان لأنه مو شرط أن الإنسان إذا حب يضحي بحايته من أجل حبه ترى الحب مو كل شي !! ولكن الصدق إنه الإنسان يضحي بحبه في سبيل الآخرين وأنا ضحيت فيه من أجل عيلتي ورضا أمي وبوي !!!!
