هذا أنا " يابهجة القلب
رديت
من عقب غيبة جيت كلي
حنيني
ورسالتي ارسلتها عقب
مابطيت
تذكرت احلام كانت بينك
وبيني
هذا أنا " من دون وشلون
اوليت
كلي وفا في داخلي
يحتويني
من قلبي جيتك بشعري
ولبيّت
من عقب غيبة واطلبك
تعذريني
يمكن تضنيني بهجري
تماديت
ويمكن تقولي الشوق قد مـــات
فيني
ويمكن تقولي اني مع البعد
جافيت
والبعد نساني رجاوي
سنيني
شوفي تراني عنك ماقد
تخليت
لو شفتي دمعي حاير وسط
عيني
ابشرك اعطيتك الحق
واوفيت
لا مانسيتك لحظة
ياحنيني
لكن ظروف الوقت خلتني
ابطيت
والاّ غلاك ثابت كل
حيني
كتبت لك من الشوق بيت ورى
بيت
واحييت لك آهات جرح
دفيني
اسقيت نفسي حسرة البعد
وارويت
وانتي علامك خابرك
تفهميني
اوسع الخاطر بقولة
تناسيت
واشوف طيفك كل لحظة
يجيني
هذا أنا " جيتك برسالة
وطليت
جيتك وانا ادري بكل لهفة
تبيني
من غربتي مليت مليت
مليت
ادخل على اللة من الخطا
سامحيني
ان كاني انا بحقك
اخطيت
انا طالبك يالغلا
سامحيني
